Temirtaýda turǵyn úılerge talapqa saı jylý bermegen mekemege aıyppul salyndy

NUR-SULTAN. QazAqparat - QR Ulttyq ekonomıka mınıstrligi Tabıǵı monopolııalardy retteý Komıtetiniń Qaraǵandy oblysy boıynsha departamenti Temirtaý qalasy turǵyndarynyń páterlerindegi tómen temperatýraǵa qatysty shaǵymy negizinde «Okjetpes-T» JShS-ne qatysty jospardan tys tekserý júrgizdi.

«Okjetpes-T» JShS-y qyzmetiniń jospardan tys tekserý nátıjeleri boıynsha, jetkizý jáne qaıtarý qubyrlarynda berilgen jáne naqty kórsetkishterdiń aıtarlyqtaı aýytqýy anyqtaldy. Osy kórsetkishterdiń negizinde kórsetiletin qyzmetterdiń sapasy belgilengenge sáıkes kelmeıtini belgili boldy, dep habarlaıdy QazAqparat QR Ulttyq ekonomıka mınıtsrliginiń baspasóz qyzmetine silteme jasap.

Osylaısha, «Okjetpes-T» JShS-nyń áreketterinde Ákimshilik quqyq buzýshylyq kodeksiniń 164-babynyń 4-bóliginde kózdelgen quqyq buzýshylyq belgileri bar ekeni anyqtaldy.

Atap aıtqanda, tabıǵı monopolııa sýbektisi Qazaqstan Respýblıkasynyń Tabıǵı monopolııalar týraly zańnamasynda belgilengen mindetterdi tıisinshe oryndamaǵan.

Osyǵan baılanysty «Okjetpes-T» JShS-ne 4 667 200 teńge kóleminde ákimshilik aıyppul salyndy.

Sondaı-aq, qoldanystaǵy zańnamaǵa sáıkes, úıge ortaq esepteý quraldary joq tutynýshylarǵa tolyq jetkizilmegen jylý energııasy úshin qaıta esepteý 2020-2021 jj. jylytý kezeńiniń sońynda júrgizildi.