Temirtaýda turǵyn úıde bolǵan órt saldarynan 30 adam qaýipsiz jerge kóshirildi, qurbandar bar - TJM
ASTANA. Tamyzdyń 20-sy. QazAqparat - Temirtaýda turǵyn úıde bolǵan órt saldarynan 30 adam qaýipsiz jerge kóshirildi, qurbandar bar.
Qazaqstannyń Tótenshe jaǵdaılar mınıstrliginen málim etkendeı, tamyzdyń 19-ynan 20-sy qaraǵan túni Dımıtrova kóshesinde ornalasqan bes qabatty turǵyn úıdiń páterleriniń birinde órt shyǵyp, ol 20 sharshy metr aýmaqqa jaıylǵan. 30 adam dereý qaýipsiz jerge kóshirildi.
Qutqarýshylar otty sóndirý barysynda tulǵalary anyqtalǵan áıel men er adamnyń máıitterin tapty. Sonymen birge, kómirqyshqyl gazyna ýlanǵan 36 jasar taǵy bir adamdy aýrýhanaǵa jetkizdi.
Tilsiz jaý Qaraǵandy oblysy boıynsha TJD órtke qarsy qyzmetiniń 16 adamy men 4 tehnıkanyń kúshimen jarty saǵattyń ishinde aýyzdyqtaldy.
