Temirtaýda túngi klýbtaǵylar jertólege jasyrynǵan
TEMІRTAÝ. QazAqparat - Mobıldi top músheleri Temirtaý qalasynda túnde kóńil kóterý oryndary jumysyn toqtatpaǵanyn anyqtady. Esigin ishten ilip alǵan «Iq pub» dıskotekasyna shamamen 50 adam jınalǵan, dep habarlaıdy QazAqparat tilshisi.
Mekeme ákimshiligi esikti ashýdy talap etkende jaýap bermegen. Biraz ýaqyttan keıin ishtegilerdi ǵımarattyń jertólesine jasyryp, polıtsııa men sanıtarlyq qyzmet ókilderine esik ashqan.
Klýb ıesine qatysty Ákimshilik quqyq buzýshylyq týraly kodekstiń 425-baby boıynsha ákimshilik hattama toltyryldy. Materıal Temirtaý qalalyq sotyna jiberiledi. Túngi ýaqytta dıskoteka uıymdastyrǵan karantın buzýshyǵa 230 AEK kóleminde aıyppul salynady.
