Temirtaýda tótenshe jaǵdaı tártibin buzǵan sýpermarket ákimshisi 10 táýlikke qamaldy
QARAǴANDY. QazAqparat – TJ rejımi kezinde qaýipsizdik erejesin saqtamaǵany úshin Temirtaý qalasyndaǵy sýpermarkettiń ıesi 10 táýlikke qamaýǵa alyndy, dep habarlaıdy QazAqparat tilshisi.
22 naýryzda Temirtaý qalasy ІІB Starogorod polıtsııa bóliminiń polıtseıleri QR ÁQBK 476-babynyń 6-tarmaǵyna sáıkes qaladaǵysýpermarketterdiń biriniń 51 jastaǵy ákimshisine qatysty ákimshilik hattama toltyrdy.
«Sýpermarket ákimshiligi eldegi tótenshe jaǵdaıdyń jarııalanýyna baılanysty Qazaqstan Respýblıkasy Densaýlyq saqtaý mınıstrligi belgilegen Qazaqstan Respýblıkasy halqynyń qaýipsizdigin qamtamasyz etý sharalaryn buzdy. Atap aıtqanda kassır jumys ornynda bir ret qoldanylatyn qolǵapsyz jáne maskasyz otyrǵan, kirip-shyqqan kelýshiler arasynda tosqaýyl joq, obektige kirý kezinde dezınfektsııalyq tosqaýyl jasalmaǵany anyqtaldy», - dep habarlady Qaraǵandy oblysy PD baspasóz qyzmeti.
23 naýryzda Temirtaý qalasynyń ákimshilik soty oǵan 10 táýlikke ákimshilik qamaýǵa alý jazasyn taǵaıyndady.
