Temirtaýda topqa bólinip tóbeleskender ustaldy
QARAǴANDY. QazAqparat - Qaraǵandy oblysynyń Temirtaý qalasynda jas jigitter topqa bólinip tóbelesti, aralarynda pyshaq jaraqatyn alǵandar bar.
«Osy oqıǵa boıynsha QR QK-niń 293-babynyń 3-bóligi boıynsha sotqa deıingi tergeý bastaldy. Krımınaldyq polıtsııa qyzmetkerleri oblystyń eki turǵynyn ustap, ýaqytsha oqshaýlaǵyshqa qamady. Tóbeleske qatysy barlardyń birqatary polıtsııa bólimine jetkizildi. Olardyń árqaısysynyń tóbeleske qatystylyq deńgeı, kinálary anyqtalýda», - dep habarlady oblystyq ІІD baspasóz qyzmetiniń jetekshisi Baqytjan Qudııarov.
Bastapqy boljam boıynsha, jigitter arasyndaǵy tóbeles qyzǵa qatysty bastalǵan. Toptasyp tóbelesý Temirtaýdaǵy jergilikti ýnıversıtet mańynda 17 qyrkúıekte bolǵan. Odan 7 adam zardap shegip, tórteýi pyshaq jaraqatymen aýrýhanaǵa túsken.
