Temirtaýda tilsiz jaý 4 jasar eki balanyń ómirin qıyp ketti - TJM
ASTANA. Qańtardyń 28-i. QazAqparat - Temirtaý qalasyndaǵy kópqabatty turǵyn úıde bolǵan órtte 4 jastaǵy eki bala qurban boldy,
dep habarlady QR TJM-nyń baspasóz qyzmetinen.
Tótenshe oqıǵa qańtardyń 27-si kúni keshke, Baıseıitova kóshesinde ornalasqan 5 qabatty turǵyn úıdiń páterleriniń birinde boldy. 10 sharshy metr aýmaqqa taraǵan jalyndy sóndirý barysynda 2006 jyly týǵan eki balanyń deneleri tabyldy, sondaı-aq kómirqyshqyl gazyna ýlanǵan 28 jastaǵy áıel aýrýhanaǵa jetkizildi.
Tilsiz jaý QR TJM Qaraǵandy oblysy boıynsha TJD órtke qarsy qyzmetiniń kúshimen 18 mınýttyń ishinde aýyzdyqtaldy.
