Temirtaýda taksı júrgizýshisine jasalǵan qaraqshylyq shabýyl «izi sýymaı» ashyldy
QARAǴANDY. 21 qańtar. QazAqparat - Qaraǵandy oblysynyń Temirtaý qalasynda polıtseıler taksı júrgizýshisine jasalǵan qaraqshylyq shabýyldyń «izin sýytpaı» ashty, eki kúdikti azamat ustaldy, dep habarlaıdy aımaqtyq ІІD-niń baspasóz qyzmetinen.
«20 qańtar kúni Temirtaý qalasy ІІD-niń Shyǵys polıtsııa bólimine 22 jastaǵy taksı júrgizýshisi kelip, eki belgisiz adamnyń ony tapanshaǵa uqsas zatpen qorqytyp, 31 myń teńgeden astam aqshasyn alyp qoıǵanyn habarlady. Jedel-izdeý sharalarynyń barysynda Temirtaý qalalyq qylmystyq polıtsııa bóliminiń qyzmetkerderi 20 jastaǵy eki kúdikti azamatty ustady. Olardyń ekeýi de eshqaıda jumys istemeıdi», - delingen habarlamada.
Qaraqshylyq shabýyl faktisimen qylmystyq is qozǵaldy. Tergeý amaldary júrgizilýde.
