Temirtaýda synapty gradýsnıkterdiń qoqystan tabylýyna baılanysty dárigerler salǵyrttyq tanytty degen kúdik taǵylyp otyr
QARAǴANDY. 11 Qańtar. QazAqparat /Valentına Elızarova/ - Qaraǵandy oblysyna qarasty Temirtaý qalasynda medıtsınalyq termometrlerdiń qoqysta jatqandyǵyna qatysty talqylaý júrip jatyr, qalalyq perzenthana qyzmetkerlerine salǵyrttyq tanytty degen kúdik taǵylyp otyr.
Bul týraly Temirtaý qalasyndaǵy tótenshe jaǵdaılar basqarmasy málim etti.
Tótenshe jaǵdaılar basqarmasynyń aıtýynsha, perzenthana janyndaǵy bos garaj mańynan Temirtaý qalasynyń turǵyndary júzdegen synyq synapty dene qyzýyn ólsheıtin quraldardy kórgen. Sonymen qatar qoqys arasynda ýaqyty ótken dári-dármek, balalardyń jaıalyqtary, bahılalar, medıtsınalyq ádebı kitaptar tabylǵan.
«Máseleniń mánisin tekseretin bolamyz. Tabylǵan zattar perzenthana mekemesinen shyǵarylǵan bolar. Bul jerde tártip buzýshylyq oryn alyp otyr. Synapty qurylǵylardy paıdaǵa asyrýdyń qatań erejeleri bar», - dep atalyp ótilgen tótenshe jaǵdaı basqarmasy taratqan aqparatta.
