Temirtaýda súńgýirler sýǵa aǵyp ketken qyzdyń máıitin tapty
QARAǴANDY. QazAqparat - 29 mamyr kúni Temirtaýda Nura ózenine aǵyp ketken 14 jasar qyzdyń múrdesi tabyldy, dep habarlaıdy «QazAqparat» HAA tilshisi.
«Búgin tańerteń qyzdyń qulaǵan jerinen aǵysty joǵary boılaı bir jarym-eki shaqyrym jerden onyń denesi tabyldy, - dedi Temirtaý TJD bastyǵy Arman Alpybaev. - Іzdestirý jumystaryna 4 qaıyq, TJD 30 mamany men eriktiler, TJD jedel-qutqarý jasaǵynyń 2 kınologtik esebi tartyldy».
Qyzdyń denesi saraptama júrgizý úshin polıtseılerge berildi.
Eske salaıyq, qaıǵyly oqıǵa 29 mamyr kúni bolǵan. Jasóspirimder aǵashqa baılanǵan jipke ilinip, terbelip baryp sýǵa túsip, oınap júrgen. Aýa raıynyń qolaısyzdyǵy súńgýirlerdiń jumysyna kedergi keltirdi. Ózen kúni-túni tekserildi.
