Temirtaýda sýburqaqtyń qola búrikkishterin urlaǵandar qolǵa tústi
QARAǴANDY. QazAqparat - Temirtaýda qalalyq sýburqaqtan quny 650 000 teńgelik 125 qola búrikkishti urlaǵan eki turǵyn oqıǵanyń izi sýymaı ustaldy, dep habarlaıdy QazAqparat tilshisi.
Óńirdiń ІІD-de málim etkendeı, 17 tamyz kúni polıtsııaǵa qala ákimdiginiń qyzmetkeri shaǵymdanǵan. Ol aryzyńda belgisiz bireýler qalalyq sýburqaqtyń qola búrikkishterin urlap ketkenin jetkizgen.
20 tamyzda beınebaqylaý kameralarynyń kómegimen urylardyń sýburqaqtan búrikkishterdi alyp jatqan áreketi anyqtaldy. Oqıǵa ornyna jedel túrde polıtsııa jasaǵy jiberilip, qylmystyń izi sýyp úlgermesten Temirtaýdyń 31 jáne 32 jastaǵy eki turǵyny ustaldy.
Kúdikti azamattar aldyn ala tergeý amaldaryn júrgizý kezinde osyǵan uqsas eki qylmysty jasaǵanyn moıyndap, túsinik bergen.
Atalmysh derek «Bóten múlikti tonaý» baby boıynsha Sotqa deıingi tergeýdiń biryńǵaı reestrinde tirkeldi.
Oqıǵaǵa qatysty zattaı aıǵaqtar alyndy. Tergeý amaldary júrgizilip jatyr.
