Temirtaýda sport alańynda oınap júrgen balalardy jasandy kógal basyp qaldy

TEMІRTAÝ. QazAqparat - Temirtaý qalalyq ákimdiginiń málimetinshe, balalar alańynda jasandy jabyn ushyp ketken, dep habarlaıdy QazAqparat.

«Búgin qolaısyz aýa raıyna, qatty jelge baılanysty tótenshe oqıǵa boldy. 70-shi oramdaǵy sport korty aýmaǵynda oınap júrgen balalardy jasandy kógal basyp qaldy. Qazirgi ýaqytta balalardyń jaǵdaıy jaqsy, bári aman-saý. Bıyl ǵana mádenıet jáne sport bóliminiń balansyna tapsyrylǵan búkil 20 kortty retke keltirip jatqanymyzdy atap ótkim keledi. Qazirgi ýaqytta 5 kort boıynsha merdigerlermen sot protsedýrasyn júrgizip jatyrmyz, onda kepildik mindettemesi boıynsha olar alańǵa jóndeý jumysyn júrgizedi. Bul korttarda oınaýǵa jáne sportpen aınalysýǵa bolmaıdy», - dedi Temirtaý ákiminiń orynbasary Samat Zııashev.

Eske sala keteıik, keshe Qaraǵandy oblysynda qatty jelden jolaýshylar avtobýsy aýdarylyp qaldy, sondaı-aq birneshe ǵımarattyń shatyry ushqan.