Temirtaýda shirigen kartoptyń kesirinen eki adam kóz jumdy
ASTANA. QazAqparat - Temirtaýda jerqoımany tazalap jatqan jerinde er adam men bir áıel kóz jumdy. Sondaı-aq, úsh órt sóndirýshi ýlanyp qaldy. Jerqoımada shirigen byltyrǵy jylǵy kartop saqtalǵan, dep habarlaıdy QazAqparat.
Qaıǵyly oqıǵa qalanyń 6-shy shaǵyn aýdanynda bolǵan.
«Er adam men áıel adam jerqoımany byltyrǵy jylǵy kartoptan tazalaý úshin tómenge túsken. Alaıda olar qaýipsizdik sharasyn saqtamaǵan, ıaǵnı qaýipsizdik maskasyn taqpaǵan», - deıdi Temirtaý qalasy TJ basqarmasynyń jetekshisi Arman Alpysbaev.
Bas qutqarýshy kartop shirigen kezde odan kómirqyshqyl gazy bólinetinin aıtty.
Jerqoımaǵa túsken eki kisiniń 5 jasar jıeni olardyń tunshyǵyp, esinen tanyp bara jatqanyn kórisimen jaqyn mańdaǵy kólikke qyzmet kórsetý ortalyǵyna baryp kómek suraǵan. Olar dereý polıtseıler men jedel járdem qyzmetin shaqyrǵan.
«Qutqarý operatsııasy kezinde úsh órt sóndirýshi ýlanyp qalǵan. Jerqoımadaǵy ýly gazdyń qoıýlyǵy sondaı, qutqarýshylar da aýrýhana kómegine júgingen», - deıdi Arman Alpysbaev.
