Temirtaýda polıtsııa tórt bank bólimshesine «jarylǵysh zat qoıǵan» kúdiktini ustady
QARAǴANDY. QazAqparat - Polıtsııa qyzmetkerleri «Qazkommertsbank» AQ bólimshesine jarylǵysh zat qoıylǵanyn habarlaǵan er adamdy ustady, - dep habarlaıdy «QazAqparat» HAA tilshisi.
«Temirtaýdyń 28 jastaǵy turǵynyn ustadyq. Aıybyn moıyndap, túsinik berdi. Іs boıynsha Qylmystyq kodekstiń 273-baby («Terrorızm aktisi týraly kórineý jalǵan habarlaý») boıynsha sotqa deıingi tergep-tekserý júrip jatyr. Osy bapqa sáıkes qylmys jasaǵan tulǵalarǵa alty jylǵa deıin bas bostandyǵynan aıyrý jazasy berilýi múmkin», - deıdi Qaraǵandy oblystyq ishki ister departamenti baspasóz qyzmetiniń basshysy Baqytjan Qudııarov.
Eske sala ketsek, 26 jeltoqsan kúni 14:00 shamasynda Temirtaý ІІB Shyǵys bóliminiń kezekshisine belgisiz adam telefon shalyp, bank bólimsheleriniń birine jarylǵysh zat qoıylǵanyn habarlaǵan. Biraq dál qaı fılıal ekenin aıtpaǵan. Polıtsııa tórt bólimsheniń de qyzmetkerlerin qaýipsiz jerge shyǵarýǵa májbúr bolǵan. Ǵımarattardy tekseris kezinde kúdikti zattar tabylmady.
