Temirtaýda ózine ózi qol salǵan júkti áıel qutqaryldy
QARAǴANDY. QazAqparat - Qaraǵandy oblysy Temirtaý qalasynda der kezinde kómekke kelgen qutqarýshylar ózine ózi qol salǵan júkti áıeldi qutqaryp qaldy, dep habarlaıdy QazAqparat tilshisi.
Qalalyq TJ basqarmasynyń aıtýynsha, oqıǵa 3 qarasha kúni bolǵan. «112» jelisine kómek surap habarlasqan áıel Temirtaýdyń 3/a shaǵynaýdanyndaǵy úılerdiń birinde epılepsııasmen aýyratyn júkti sińlisiniń 3 jasar ulymen birge jabyq páterde otyrǵanyn, 15 mınýttan beri jaýap qatpaı jatqanyn aıtty», - dedi TJB. Oqıǵa ornyna №22 órt bólimshesiniń qyzmetkerleri jiberildi. Temir esik ysyrmamen bekitilgen. Avtosaty arqyly balkonnan kirý týraly sheshim qabyldandy. Azamattyq qorǵaý leıtenanty A.Aldanov pen bólim komandıri, azamattyq qorǵaý starshınasy K.Pylaevbul ıdeıany júzege asyrdy. Páter ishinde 3 jasar bala uıyqtap jatqan jáne 1-toptaǵy múgedek ájeı otyrǵan. Páterdi qarap shyǵý barysynda jýyný bólmesinde endi ǵana jipke asylyp, qaltyrap turǵan 26 jastaǵy júkti áıel tabyldy. Jedel járdem men polıtsııa qyzmetkerleri shaqyrylyp, alǵashqy kómek kórsetildi. «Zardap shegýshi júıke júıesiniń fýnktsıonaldy buzylýy, 36-aptadaǵy júktilik jáne sýıtsıdke umtylý dıagnozymen aýrýhanaǵa jatqyzyldy. Áıeldiń ne sebepti mundaı qadamǵa barǵany anyqtalýda», - dep tolyqtyrdy TJB.
