Temirtaýda ózin ulyn pyshaqtap óltirdi degen kúdikpen 68 jastaǵy er adam ustaldy
TEMІRTAÝ. QazAqparat - Temirtaý polıtseıleri asa aýyr qylmysty «izin sýytpaı» ashty, dep habarlaıdy QazAqparat tilshisi.
29 tamyzda Temirtaý qalasynyń Beıbitshilik dańǵylyndaǵy páterlerdiń birinde 35 jastaǵy er adamnyń máıiti tabyldy.
«Jedel-izdestirý is-sharalary barysynda polıtsııa atalǵan qylmysqa qatysy bar degen kúdikpen 68 jastaǵy er adamdy ustady. Ol marqumnyń ákesi bolyp shyqty. Ákesi ózara týyndaǵan janjal barysynda ulyna pyshaq salǵanyn moıyndady», - dep habarlady Qaraǵandy oblysy Polıtsııa departamentiniń baspasóz qyzmeti.
Atalǵan fakti boıynsha QR QK 99-baby 1-bóligi «Adam óltirý» boıynsha qylmystyq is tirkeldi.
Kúdikti ýaqytsha ustaý ızolıatoryna qamaldy. Tergeý amaldary júrgizilip jatyr.
