Temirtaýda órtenip jatqan páterden úsh adam qutqaryldy
TEMІRTAÝ. QazAqparat - Temirtaý qalasynda órtenip jatqan páterdiń ishinen qutqarýshylar úsh adamdy alyp shyqty. Zardap shekkender kúıik shalý jáne tútinnen ýlaný dıagnozymen aýrýhanaǵa tústi, dep habarlaıdy QazAqparat tilshisi.
9 qazan kúni saǵat 15:50-de Temirtaý qalasy Tışenko kóshesi, 25 meken-jaıynda órt shyqqany týraly habarlama kelip tústi.
Kópqabatty turǵyn úıdiń 5-shi qabatynda ornalasqan páterde 20 sharshy metr alańda úı zattary men jıhazdary janyp ketti.
«Órt sóndirýshi-qutqarýshylardyń kúshimen páterden úsh adam qutqaryldy: 1972 jyly týǵan áıel, 1979 jyly týǵan er adam jáne 2017 jyly týǵan bala. Gazdan ýlanyp, kúıik shalǵan zardap shegýshiler aýrýhanaǵa jetkizildi» dep málimdedi Qaraǵandy oblystyq tótenshe jaǵdaılar departamentiniń baspasóz qyzmeti.
Qabyldanǵan jedel sharalardyń nátıjesinde órt 16:20-da sóndirildi.
Ottyń kórshi páterlerge taralýyna jol berilgen joq.
Aldyn ala boljam boıynsha, órt otty abaısyz qoldaný sebebinen tutanǵan.
