Temirtaýda myńnan astam turǵyn úı qajetti deńgeıde jylytylmaı tur
QARAǴANDY. QazAqparat - Temirtaýdaǵy 1 082 kópqabatty turǵyn úıdiń radıatorlaryna jylý qajetti temperatýradan 9 gradýsqa az berilip otyr, dep habarlaıdy «QazAqparat» HAA tilshisi.
Jylý jetispeýshiligine 2-shi Jylý elektr ortalyǵyndaǵy №2 qazandyq agregatynyń jóndelip jatqany sebep bolǵan. Temirtaý ákimdigi baspasóz hatshysy Olga Gorıachevanyń aıtýynsha, jylýdyń qajetti temperatýradan 9 gradýs tómen berilýi - tańǵy 10-daǵy kórsetkish.
«Tańǵy 10-da syrttaǵy aýa temperatýrasy mınýs 34 gradýs boldy. JEO-2 alty qazandyqpen jumys jumys istep tur. Qysym 9,2/1,9. Grafık boıynsha temperatýra - 104/58, al is júzinde - 95/50. Keshke qaraı jaǵdaı ońalady dep oılaımyn», - deıdi Olga Gorıacheva.
Eske sala ketsek, 22 qańtar kúni Temirtaýdaǵy JEO-2 №2 agregaty jóndeýge baılanysty jumysyn toqtatqan bolatyn. Sonyń saldarynan temirtaýlyqtardyń úıi sýyp ketti.
