Temirtaýda meıirbıke kútimi palatasy ashyldy
QARAǴANDY. QazAqparat - Oblystyq densaýlyq saqtaý basqarmasy basshysynyń buıryǵymen Temirtaý ortalyq aýrýhanasynda úsh meıirbıke kútimi palatasy ashyldy, dep habarlaıdy «QazAqparat» HAA tilshisi.
Endi densaýlyǵy túzelip kele jatqan, alaıda únemi dáriger kómegine zárý naýqastar, atalǵan palatalarda ýaqytsha turyp emdele alady. Olar kóbinese mertikken nemes ınsýlt alyp sal aýrýyna ushyraǵan naýqastar.
Aýrýhananyń kardıolog-dárigeri Nına Peresedovanyń aıtýynsha, mundaı palataǵa dıagnozy qoıylǵan naýqastar jata alady.
«Eger naýqastyń jaǵdaıy nasharlasa, dárigerler birden kómekke keledi. Táýlik boıy dárigerdiń janynda bolý ońalyp kele jatqan adam úshin óte yńǵaıly. Bir aıǵa deıin meıirbıkelik kútimdi tegin bola alady. Sonymen birge úsh ýaqyt tamaqtanady.»,-dedi Nına Peresedova.
