Temirtaýda metallýrgter maskamen tegin qamtamasyz etiledi

QARAǴANDY. QazAqparat – Qaraǵandy oblysynda kásiporyndar óz qyzmetkerleri úshin maskalar tigýge tapsyrys beredi. «ArselorMıttal Temirtaý» metallýrgterdi jeke qorǵanys quraldarymen qamtamasyz etedi, dep habarlaıdy QazAqparat tilshisi.

Kompanııanyń aqparatynsha, birneshe ret qoldanylatyn maska enshiles kásiporyndarda tigilýde. 60 myń danadan turatyn partııa jaqyn arada kelip túsýi tıis.

«Birinshi tapsyrys tramvaı parkinen boldy. 800 maska tigildi. Sondaı-aq bizdiń fabrıkanyń barlyq qyzmetkerin maskamen qamtamasyz ettik. Qazir «ArselorMıttal Temirtaý» tapsyrysyn oryndap jatyrmyz», - deıdi «TAA» JShS tigin-trıkotaj tsehynyń bastyǵy Irına Em.

Kóp ret qoldanylatyn maskalar maqta-mata jáne bóz matadan tigiledi. Bir ónimdi tigý shamamen tórt mınýt alady. Bir aýysymda ár tiginshi 120 dana shyǵarady.