Temirtaýda metallýrgııa kombınatynda apat boldy
QARAǴANDY. QazAqparat – «Arselor Mıttal Temirtaý» AQ konverterlik tsehynda jarylys bolyp, 4 adam zardap shekti. Olar túrli jaraqatpen Temirtaý qalasy ortalyq aýrýhanasyna jetkizildi, dep habarlaıdy QazAqparat tilshisi.
4 qyrkúıekte №3 konverterinde jumys júrip jatqan kezde tarsyldaǵan dybys shyǵyp, keıin bý men ystyq aýa atylǵan. Saldarynan №3 konverteriniń 4 jumysshysy zardap shekti.
«Barlyq japa shekkender Temirtaý qalasyndaǵy ortalyq aýrýhanaǵa jetkizildi. 1970, 1972, 1988 jylǵy úsh azamatty kúıik shaldy, taǵy biri jaralandy. Dárigerler teksergennen keıin kúıik shalǵan 1988 jylǵy azamatty jáne jaralanǵan 1991 jylǵy azamatty ambýlatorlyq emdeýge jiberdi. II,III A deńgeıde kúıik shalǵan er adamdar Maqajanov atyndaǵy oblystyq travmatologııa jáne ortopedııa ortalyǵyna jatqyzyldy. Naýqastardyń jaǵdaıy qanaǵattanarlyq», - dep habarlady Qaraǵandy oblystyq densaýlyq saqtaý basqarmasynyń baspasóz qyzmetinen.«Zardap shekkenderdiń ómirine qaýip tónip turǵan joq. Memlekettik organdarǵa jaǵdaı týraly habar berildi. Qazir qaıǵyly oqıǵa tergelip jatyr», - dep túsindirdi «Arselor Mıttal Temirtaý» AQ baspasóz qyzmetinen.
