Temirtaýda mashınıst kómekshisin vagon basyp qaldy
QARAǴANDY. QazAqparat - «ArselorMıttal Temirtaý» AQ JEO-2 aýmaǵyndaǵy tsehtardyń birinde mashınıst kómekshisi aýdarǵysh vagon astynda janshylyp qaldy, dep habarlaıdy «QazAqparat» HAA tilshisi.
Óńirdegi eńbek departamentiniń habarlaýynsha, qaıǵyly oqıǵanyń mán-jaıy komıssııa jumysynyń barysynda tekseriledi.
«Tsehta bolǵan oqıǵanyń mán-jaıyn eńbek ınspektorlary jáne «ArselorMıttal Temirtaý» AQ laýazymdy tulǵalarynan quralǵan komıssııa anyqtaıtyn bolady», - dep habarlady eńbek departamenti.
JETs otyn-kóliktik tsehynda bolǵan tótenshe jaǵdaıdyń júk túsirý barysynda oryn alǵany belgili. Aýdarǵysh vagondy 57 jastaǵy mashınıst basqarǵan.
