Temirtaýda lıtsenzııasyz ishimdik jasaǵan jasyryn tseh anyqtaldy

TEMІRTAÝ. QazAqparat – Temirtaý qalasynda lıtsenzııasyz ishimdik jasaǵan jasyryn tseh anyqtaldy, Qarjy monıtorıngi komıtetiniń baspasóz qyzmetine silteme jasap.

«Komıtettiń Qaraǵandy oblysy boıynsha Ekonomıkalyq tergeý departamenti qańtar aıynda Temirtaý qalasynda tıisti lıtsenzııasyz alkogol ónimin daıyndap, qaladaǵy saýda núktelerine ótkizgen jasyryn tsehtyń zańsyz qyzmetiniń jolyn kesti.

Tseh aýmaǵyn tintý barysynda daıyn alkogol ónimi, ónimdi daıyndaýǵa arnalǵan jabdyqtar men komponentter tárkilenip alyndy», delingen habarlamada.

Atalǵan fakti boıynsha Qylmystyq kodekstiń 214-baby 1-bóligi boıynsha sotqa deıingi tergeý tirkelip, alkogol ónimin ótkizý oryndary men kólemin belgileý boıynsha jedel-tergeý is-sharalary júrgizilip jatyr.