Temirtaýda qudyq ishinen er adamnyń máıiti tabyldy
TEMІRTAÝ. QazAqparat - Temirtaý qalasynyń polıtseıleri táýlikke jetkizbeı kisi ólimine qatysty qalmysty ashty, dep habarlaıdy QazAqparat Polisia.kz saıtyna silteme jasap.
5 qyrkúıek kúni saǵat 15.30 shamasynda «Arselor Mıttal Temirtaý « AQ kombınatynan 200 metrdeı jerdegi qudyqtan denesinde zorlyq-zombylyq belgisi bar, buryn iz-tússiz joǵalǵandar sanatynda bolǵan 50 jastaǵy qala turǵynynyń máıiti tabyldy.
Atalǵan fakti boıynsha Qazaqstan Respýblıkasy Qylmystyq kodeksiniń 99-baby 1-tarmaǵyna sáıkes qylmystyq is qozǵaldy. Kúdiktini ustaý jáne anyqtaýǵa baılanysty barlyq ishki ister organynyń jeke quramyna baǵyttama berildi.
Jedel izdestirý is-sharalary barysynda osy iske qatysy bar degen kúdikpen 31 jáne 43 jastaǵy eki azamat ustalyp, moıyndaý kórsetpe belgilerin berdi. Qazirgi ýaqytta dáleldemelerdi jınaýǵa baılanysty tergeý áreketteri júrgizilýde.
