Temirtaýda kótergish krannyń kabınasy úzilip, jerge qulady
TEMІRTAÝ. QazAqparat - Temirtaýdaǵy metallýrgııalyq kombınatta kótergish krannan kabına úzilip ketti, kran júrgizýshisi zardap shekpegen, dep habarlaıdy QazAqparat Habar 24-ke silteme jasap.
Jaqynda əleýmettik jelilerde júrgen beınematerıaldan oryn alǵan is týraly belgili boldy.
«Tekseris kezinde óndiriske daıyndyq tsehynyń ashyq qoımasynda kótergish krannyń kronshteıni aqaýlyǵynan kabına úzilgen. Taý tehnıkalyq baqylaý men kombınattyń tehnıkalyq qaýipsizdigi departamentiniń sarapshylary shaqyryldy. Kabına demontajdan ótkizildi», - dep habarlaıdy «ArselorMıttal Temirtaý» AQ baspasóz qyzmeti.
Alaıda demontaj kezinde ne sebepti kabına ishinde adam bolǵany belgisiz.
Eske sala keteıik, qazirgi tańda metallýrgııalyq kombınat tóńireginde qaıta qalpyna keltirý jumystary júrgizilýde. 10 qarashada gaz qubyry órtenýi kombınat jumysyna kedergi jasaǵan bolatyn. Zardap shekkender joq. Tótenshe jaǵdaıǵa baılanysty qurylǵan arnaıy komıssııa qorytyndysyn ázirge habarlamaı otyr.
