Temirtaýda kórshilerdiń arasynda janjal shyǵyp, myltyq atyldy
TEMІRTAÝ. QazAqparat – Temirtaý qalasynda kórshilerdiń arasynda janjal shyǵyp, olardyń biri myltyq atqan. Abyroı bolǵanda qaza bolǵandar men jaraqat alǵandar joq, dep habarlaıdy QazAqparat tilshisi.
Janjal 8 mamyr saǵat 20:42 shamasynda Temirtaý qalasyndaǵy 8-shi shaǵynaýdanynyń aýlasynda bolǵan. Urys aýlada oınap júrgen balalardyń tóbelesinen týǵan. Olardy ajyratý úshin úılerinen ákeleri shyqqan. Alaıda, ózara kelise almaǵan eresekterdiń arasynda da janjal týyndaǵan.
«Mán-jaıdy anyqtaý barysynda balalardyń biriniń 43 jastaǵy ákesi 32 jastaǵy qarsylasyn betinen urǵany, sodan keıin sońǵysy úıden myltyq alyp, eki ret odan aýaǵa oq atyp, qashyp ketkeni anyqtaldy. Atys kezinde zardap shekkender joq. Atalǵan fakti boıynsha QR QK 293-baby 3-bóligi boıynsha qylmystyq is tirkeldi. Jasyrynǵan adamdy ustaý úshin oblystyń ishki ister organdarynyń jeke quramy baǵyttalǵan. Tergeý júrip jatyr», - dep habarlady Qaraǵandy oblysy PD baspasóz qyzmeti.
