Temirtaýda kópqabatty turǵyn úıde shyqqan órt saldarynan turǵyndar evakýatsııalandy
ASTANA. QazAqparat - Kópqabatty turǵyn úıdegi páterlerdiń birinde shyqqan órt saldarynan turǵyndar evakýatsııalandy, dep habarlaıdy QazAqparat QR SІM TJK baspasóz qyzmetine silteme jasap.
Vedomstvonyń aqparaty boıynsha, órt 8 mamyrda 21.51-de toǵyz qabatty turǵyn úıdiń 4-shi qabatyndaǵy páterden shyqqan. Órt 15 sharshy metr aýmaqty sharpyǵan.
«Qutqarýshylar 4 adamdy qutqaryp, 19 adamdy evakýatsııalady, sonyń ishinde tórteýi - balalar. 1985 jylǵy azamatty kúıik shalyp, aýrýhanaǵa jetkizildi», - delingen habarlamada.
Órt sóndirýshiler tilsiz jaýdy 22.21-de aýyzdyqtap, 22.34-te sóndirdi.
Onyń aldyn ala shyǵý sebebi - temeki shegý kezinde abaısyzdyq tanytý.
Órtti Qaraǵandy oblystyq órt sóndirý qyzmetiniń 19 órt sóndirýshisi men 5 tehnıkasy sóndirdi.
