Temirtaýda kólik tonaǵan eki top ustaldy
QARAǴANDY. QazAqparat - Temirtaýda kólik tonaýmen aınalysyp kelgen eki top ustaldy, dep habarlaıdy QazAqparat tilshisi.
Temirtaý qalalyq ІІB basshysynyń birinshi orynbasary Dáýren Káripbaevtyń aıtýynsha, eki top kóptegen kóliktiń vıdeotirkeýishterin, magnıtolalaryn, tıtannan jasalǵan dıskilerin urlaǵan.
«Tártip saqshylary eki topty jáne bir kólik urysyn ustady. Ustalýshy 15 iske qatysty ekendigin moıyndady. Qazir ol qamaýda otyr. Tergeý júrgizilýde. Osyndaı sharanyń nátıjesinde kólik urlyǵy azaıýy kerek degen oıdamyn, soǵan qaramastan osnydaı qylmystyń aldyn alý júrgizile beredi», - dep málim etti Dáýren Káripbaev.
Urlanǵan zattardyń bir bóligi úkim shyqqan soń ıelerine qaıtarylady. Qalǵandary boıynsha sot tyńdaýy kezinde azamattardyń shaǵymyna qaraı sheshiledi.
Qalalyq ishki ister basqarmasy basshysynyń orynbasary urlanǵan kólik dóńgelekteri, dıskisi, vıdeotirkeýishterin qoldan satyp almaý kerektigin eskertti.
«Qujatsyz satylatyn zattardyń deni urlanǵan bolyp shyǵady. Osnydaı zatty satyp ala otyryp azamat keıin odan aıyrylyp qalýy múmkin. Polıtsııa tárkilegen urlanǵan zat boıynsha sotaldy óndirisi barysynda materıaldyq shyǵyndy eshkim ótemeıdi», - dep eskerti Dáýren Káripbaev.
