Temirtaýda kóliginiń tóbesine qurbysyn shyǵaryp alǵan júrgizýshi áıelge aıyppul salyndy
QARAǴANDY. QazAqparat - Temirtaý polıtsııasy áleýmettik jeliden áıel kólikti basqaryp, al onyń qurbysy beline deıin lıýktan shyǵyp, qaýipti jaǵdaıda kele jatqan vıdeony tapty, dep habarlady «QazAqparat» HAA tilshisi.
Jolaýshylardy tasymaldaý qaǵıdasyn buzǵanymen qoımaı, avtoledı tyıym salynǵan jolaqtan ońǵa burylǵan. Polıtseıler vıdeorolıkke beı-jaı qaramaı, kólik ıesin izdestirdi.
«Temirtaý ІІB jergilikti polıtsııa qyzmetkerleri «Hyundai» markaly kóliktiń kimge tıesili ekendigin anyqtady. Júrgizýshi ÁQtK 593-baby 1-bóligi boıynsha ákimshilik jaýapkershilikke tartyldy. Sondaı-aq Kodekstiń 595-baby 1-bóligi boıynsha da jaýapkershilikke tartyldy», - dep habarlady jergilikti polıtsııa qyzmetiniń baspasóz ortalyǵynda.
Aıyppul somasy 10 aılyq eseptik kórsetkish - 22 myń 690 teńge.
«Bulaı jasaýǵa bolmaıdy. Basqa kóliktermen qosa, ózderine de qaýip tóndirgen», - dedi polıtsııa baspasóz qyzmetinen.
