Temirtaýda kezekte turǵandar úshin kópqabatty 3 úı salynady
TEMІRTAÝ. QazAqparat – Qaraǵandy oblysynyń Temirtaý qalasynda kópqabatty 3 úıdiń qurylysy bastaldy. Baspana halyqtyń áleýmettik qorǵalatyn sanatyndaǵy otbasylarǵa arnalǵan, dep habarlaıdy QazAqparat tilshisi.
Metallýrgter qalasynyń 4A oramynda 90 páterli eki kóp qabatty turǵyn úı salynady. Baspanany paıdalanýǵa berý osy jylǵa belgilengen. Kezekte turǵan 180 adam memlekettik turǵyn úı qorynan jalǵa beriletin pátermen qamtamasyz etiledi.
Taǵy bir kópqabatty úı «Gorka Drýjby» shaǵyn aýdanynda salynady. Úıde barlyǵy 36 páter bar.
Sondaı-aq, Temirtaýda kóshe jaryǵyn qalpyna keltirý júrgizilip jatyr. Merdiger «Egıda Stroı Grýpp» JShS eski baǵanardy alyp tastap, ornyna jańasyn ornatady.
«Respýblıka dańǵylynda 234 torsher men jańa jaryqdıodty sham ornatyldy. Qazirgi ýaqytta 250 baǵan ornatý úshin kóshe jaryǵyn qalpyna keltirýmen aınalysatyn merdigerdi anyqtaýǵa konkýrs rásimi júrgizilip jatyr», – dep habarlady Temirtaý qalasynyń ákimdigi.
