Temirtaýda kentterdi sý tasqynynan qutqarǵan kásipkerler marapattaldy
QARAǴANDY. QazAqparat - Kásipkerler toby aýyldardy sý tasqynynan qutqarýǵa belsendi járdemdeskeni úshin «Altyn juldyz» músini jáne Temirtaý qalasy ákiminiń alǵys hatymen marapattaldy, dep habarlady «QazAqparat» HAA tilshisi.
Bıznesmender kentter turǵyndaryna tehnıkamen jáne zattaı kómektesti. Evakýatsııalaý kezinde úı-jaı usyndy. Kómekteri úshin bıýdjetten aqy talap etpedi.
Metsenattar arasynda - «Temirbol» JShS dırektory Aleksandr Gýbın men «Tsentral Azııa Tsement» JShS dırektory Petr Dýrnev bar.
«Qıyn-qystaý ýaqytta adamdarǵa óteýsiz kómek kórsetken kásipkerlerge «Altyn juldyz» músini men Temirtaý Ákimi Ǵalym Áshimovtiń alǵys haty men astanada ótetin EKSPO kórmesine bılet tabys etildi», - dedi «Jastar pikiri» qoǵamdyq birlestiginiń tóraǵasy Artem Kozlovskıı.
Osy uıym «Altyn juldyz» baıqaýyna bastamashylyq etti. Bul uıym qyzmetkerleri kún saıyn ıgi is jasaıdy. Múmkindigi shekteýli balalar jáne týberkýlezben syrqattanǵan adamdarmen jumys boıynsha memlekettik áleýmettik tapsyrystar oryndaýmen qosa, muqtaj jandarǵa óteýsiz ataýly kómek te kórsetedi. Іzdenýshiler - metsenattar jáne qaıyrymdylyqpen aınalysatyn basqa da azamattar.
Eske salsaq bul baıqaýdy Temirtaý ákimdigi belgilegen.
