Temirtaýda qaýipti kúl úıindisi úshin jylý stansasy 1 mln teńgeden astam aıyppul tóleıdi
QARAǴANDY. QazAqparat - Temirtaýda halyqtyń densaýlyǵyna keri áser etetin ondaǵan tonna kúldi orynsyz tókken jylý qyzmetimen aınalysatyn kompanııaǵa aıyppul salyndy, dep habarlady «QazAqparat» HAA tilshisi.
Zańnamaǵa sáıkes kúl úıindisiniń ıesi ol turǵyn úılerge ushpaý úshin kúldi sýlandyrýǵa mindetti. Alaıda «KarGRES-1» jylý stansasyna tıesili «Bassel Group LLS» JShS kompanııasy bul talapty buzdy. Halyqtan túsken shaǵymǵa baılanysty tabıǵatty qorǵaý prokýratýrasynyń basshylyǵy ekologııa departamentiniń qyzmetkerlerine jospardan tys tekserý júrgizýdi tapsyrdy.
Olar qojǵa sý ishinara ǵana quıylǵanyn anyqtady. Sý tımegen kúl turǵyn sektoryna taraǵan. Osylaısha halyqtyń ózderin nashar sezinýine yqpal etken. «Kúl úıindisiniń ıesi memlekettik ekolgııalyq saraptama qorytyndysynda kórsetilgen talaptardy buzǵan. Talaptardy buzý Ekologııalyq Kodekstiń 47, 51, 199-baptaryna qaıshy keledi», - dep habarlady Temirtaý ákimshilik sotynda.
Ákimshilik sotynyń sýdıasy Nazgúl Tilekova kúldiń menshik ıesi - «Bassel Group LLS» kompanııasyn ÁQtK 332-babyn buzǵany úshin aıypty dep tanydy. Kásiporynǵa 500 AEK, ıaǵnı 1 mıllıon 134 myń 500 teńge aıyppul salyndy.
