Temirtaýda qarýly adam shaǵyn nesıe beretin uıymdy tonady
QARAǴANDY. QazAqparat - Temirtaýda shaǵyn nesıe berýmen aınalysatyn uıymǵa qaraqshylyq shabýyl jasalǵan sát vıdeobaqylaý kamerasyna túsip qalǵan, dep habarlaıdy «QazAqparat» HAA tilshisi.
Kameradaǵy kóriniste qylmysker alǵashqyda esikti ashpaqshy bolǵandyǵy baıqalady. Alaıda ol kilttenip turǵan. Kassırmen sóıleskennen keıin ol judyryǵymen vıtrınany uryp syndyryp, qyzmettik keńsedegi ústelge minip alady.
Boıjetken úreıi qashyp esikke qaraı júgirgende, ol onyń jeıdesinen ustap, pyshaqpen qorqytyp, keńsege qaraı súıregen. Kassadan 170 myń teńgeni alyp, qyzdy jumys ornyna otyryp, jumysyn jalǵastyrýǵa májbúrlegen. Qolyna qaıta pyshaq alyp, ony qorqyta bastaǵan.
Іshki ister departamentiniń baspasóz qyzmeti habarlaǵandaı, jol-patrýldik polıtsııasynyń batalon jasaǵy tez arada 30 jastaǵy er adamdy ustaǵan.
«Ol qylmys jasaǵanyn moıyndady, ony zardap shegýshi tanydy. Ustalǵan kúdikti qamaýǵa alyndy. QR QK 192-baby 2-tarmaǵy «Qaraqshylyq» áreketi boıynsha sotqa deıingi tergeý jumystary júrgizilýde», - dep habarlady ІІD baspasóz qyzmetiniń basshysy Baqytjan Qudııarov.
