Temirtaýda karantın kezinde barlar men dúkender jumys istegen
TEMІRTAÝ. QazAqparat -Temirtaý qalasynda Jedel den qoıý ortalyǵy reıd jasaý barysynda karantın rejımin buzǵan oıyn-saýyq oryndary men saýda nysandaryn anyqtady. Mobıldi top músheleri kólik jýý, TQS, kalıan, barlar men dúkenderge erekshe nazar aýdardy, dep habarlaıdy QazAqparat Qaraǵandy oblysy ákiminiń resmı saıtyna silteme jasap.
Qalanyń ortalyq kósheleriniń birinde ornalasqan «Altyn» dúkeniniń ıelerine 230 AEK (640 myń teńge) kóleminde aıyppul salynady. Dúken, karantın kezinde salynǵan tyıymǵa qaramastan, 22.00 keıin jumys istegen. Bul rette jedel áreket etý ortalyǵynyń qyzmetkerleri saýda zalyna kirer aldynda áleýmettik qashyqtyqty saqtamaıtyn adamdardyń kóp shoǵyrlanýyn baıqaǵan.
Qaraǵandy oblysynyń bas memlekettik sanıtarlyq dárigeriniń qaýlysyn saqtamaǵany úshin Eclipse laýnj-barynyń jáne Prize avtokesheniniń ıeleri de jazaǵa tartylady. Bul nysandar da túngi ýaqytta jumys istegen.
Esterińizge sala keteıik, Qaraǵandyda osyǵan deıin mobıldik toptar karantın kezinde qyzmetine tyıym salynǵanyna qaramastan jumys istep turǵan nysandardy (kompıýterlik klýb, karaoke, kalıan jáne t. b.) anyqtaǵan bolatyn.
