Temirtaýda qaraqshy áıeldiń basynan bótelkemen uryp, sómkesin alyp ketti
QARAǴANDY. QazAqparat - Temirtaýda Qaraǵandy oblystyq tótenshe jaǵdaılar departamenti jedel qutqarý qyzmetiniń qyzmetkeri qaraqshynyń shabýylynan áıeldi arashalap qaldy, dep habarlaıdy QazAqparat tilshisi.
«Kásibı qutqarýshy Talǵat Qystaýbaev jubaıymen birge alleıada serýendep júrgende bankomat mańynda qan josa bolǵan áıeldiń jan ushyra aıǵaı salǵanyn estip, shuǵyl kómekke kelgen. Keıin belgili bolǵandaı, qaraqshy áıeldiń basynan bótelkemen uryp, qolyndaǵy sómkesin alyp qashpaq bolǵan», - dep málimdedi oblystyq TJD baspasóz qyzmeti.
Talǵat qashyp bara jatqan qaskóıdi kórip, artynan qýa jóneledi. Aldymen sómkeni alyp, artynsha qaraqshyny qýyp jetedi. Ol pyshaqpen ses kórsete bastaıdy. Qutqarýshy onyń pyshaǵyn tartyp alyp, pyshaǵymen qosa sol kezde jetip kelgen polıtseılerge tapsyrady.
T. Qystaýbaevtyń erligi týraly keıin, jaralanǵan áıel tótenshe jaǵdaılar departamentine alǵys aıta kelgende belgili boldy.
