Temirtaýda kanalǵa shomylam dep jaǵaǵa shyǵa almaı qalǵan bala qutqaryldy
TEMІRTAÝ. QazAqparat – Temirtaý polıtseıleri aryqqa qulap ketken balany qutqardy. Qalanyń shet jaǵynda eki bala shomylmaq bolyp, qashyrtqy kanalǵa túsken. Balalardyń biri sýdan óz kúshimen shyǵa almaı, onyń dosy polıtsııaǵa habarlasyp, kómek suraǵan, dep habarlaıdy QazAqparat tilshisi.
29 sáýir kúni saǵat 16.48-de esý bazasy mańyndaǵy aryqqa balanyń qulap ketkeni týraly habarlama tústi. Oqıǵa ornyna Temirtaý qalalyq polıtsııa basqarmasynyń kezekshi bólimi, quramynda kishi leıtenant Qurbanbek Turlybekov pen kishi leıtenant Bekzat Mahanov bar avtopatrýl jiberildi.
«Balalar naqty qaı jerde turǵanyn túsindirip bere almaǵandyqtan oqıǵa ornyn tabý qıyn boldy. Polıtseıler izdeý kezinde patrýldik kóliktiń dybys sıgnaldaryn paıdalanýǵa májbúr bolǵan. Balalar habarlamada kórsetilgen jerden shamamen 1 shaqyrym qashyqtyqta bolǵan. Oqıǵa ornyna jetken polıtseıler shomylýǵa arnalmaǵan jerde turǵan balany tapty. Jedel járdem brıgadasy balany tekserip, jaǵdaıynyń qalypty ekenin aıtty, aýrýhanaǵa jatqyzýdyń qajeti bolmady. 11 jasar bala anasynyń qydyrýǵa jáne sýǵa túsýge ruqsat bergenin aıtty», - dep habarlady Qaraǵandy oblystyq PD baspasóz qyzmeti.
Atalmysh fakt polıtsııada tirkeldi. Eki balanyń da ata-anasyna qatysty QR ÁQbK 476-babyna sáıkes ákimshilik hattama toltyryldy.
