Temirtaýda kabeldiń urlanýy birneshe myń abonentti baılanyssyz qaldyrdy
QARAǴANDY. QazAqparat - Qymbat turatyn kabelderdiń urlanýy saldarynan birneshe myńdaǵan abonent telefon baılanysynan ajyrap qaldy, dep habarlaıdy QazAqparat.
«Qazaqtelekom» AQ ókili Temirtaý qalasynyń ákimdigine telefon kabelderiniń jappaı urlanýy týraly habar bergen.
«Temirtaýda telefon kabelderin urlaý problemasy ýshyǵyp tur. Tek 29 mamyr kúni qalanyń shyǵys bóligindegi shamamen 2 myń abonent baılanystan ajyrap qaldy. Oǵan basty sebep kabelderdiń urlanýy», - dedi «Qazaqtelekom» AQ ókili Sapar Esjanov.
Ókinishke oraı qymbat kabelderdi qoldy etkenderdi quryqtaý ázirge múmkin bolmaı otyr.
Temirtaý qalasynyń ákimi Ǵalym Áshimov metall qabyldaıtyn oryndardy tekserýge sheshim shyǵardy. Oqıǵaǵa baılanysty ákim «Másele óte kúrdeli. Metall qabyldaıtyn oryndarǵa reıd júrgizip, baılanys júıesine zııan tıgizgen qylmys betin ashý qajet», - dep túsinik berdi.
