Temirtaýda gaz qubyrynan órt shyqty
ASTANA. QazAqparat - Qaraǵandy oblysynyń Temirtaý qalasyndaǵy «ArselorMıttal» AQ aýmaǵyndaǵy konvertorly tsehtyń syrtqy jaǵyndaǵy gaz qubyrynan órt shyqty, dep habarlaıdy QazAqparat tilshisi QR SІM Tótenshe jaǵdaılar komıtetiniń baspasóz qyzmetine silteme jasap.
Komıtetten habarlanǵandaı, AQ-pen birge qazirgi ýaqytta gaz qubyryn salqyndatý jumysy júrgizilip jatyr. Tilsiz jaýdy aýyzdyqtaý jumysyna 34 adam men 8 arnaıy tehnıka jumyldyrylǵan.
«Kombınattyń jumysshylary gaz jiberý qyzmetin toqtatý jumysyn júrgizýde», - delingen komıtettiń habarlamasynda.
Órtten zardap shekkender nemese kóz jumǵandar joq.
