Temirtaýda gaz ballony jarylyp, 5 adam kúıip qaldy
TEMІRTAÝ. QazAqparat – Temirtaýda bazar mańyndaǵy dúńgirshekte gaz ballonynyń jarylýynan bolǵan órtten bes adam zardap shekti, dep habarlaıdy QazAqparat tilshisi.
Temirtaýda 30 qańtar kúni saǵat 11:46-da «101» qyzmetine, 24/2 úıiniń mańynda 6-shaǵynaýdandaǵy dúńgirshektiń janyp jatqany týraly habar kelip túsken.
«Órt sóndirýshiler kelgennen keıin ortalyq bazardyń bas ǵımaratynyń janyna ornatylǵan saýda-sattyq avtokólik tirkemesin satatyn 7,5 sharshy metr aýmaq ta otqa oranǵan. Gaz aýa qospasynyń jarylysynan bes adam, onyń ishinde tórt áıel jáne bir bala jaraqat alǵan», - dep habarlady Qaraǵandy oblysynyń TJD baspasóz qyzmeti.
Zardap shekkender aýrýhanaǵa jetkizildi.
«Zardap shekkenderdiń beseýi aýrýhanaǵa jatqyzyldy, olardyń arasynda 2016 jyly týǵan bala bar. Bet, dene jáne aıaq I, II jáne III dárejeli termııalyq kúıik alǵan. Barlyq zardap shekkender Temirtaý qalasynyń Ortalyq aýrýhanasyna jetkizildi. Zardap shekkender professor H.J. Maqajanov atyndaǵy kópsalaly aýrýhanaǵa jiberildi», - dep málim etti Qaraǵandy oblysynyń densaýlyq saqtaý basqarmasy.
Órt saǵat 12:12-de óshirildi.
