Temirtaýda er adam avtobýs jolaýshylaryn pyshaqpen qorqytqan
QARAǴANDY. QazAqparat - Temirtaýda belgisiz er adam avtobýs jolaýshylaryn pyshaqpen qorqytqan, dep habarlaıdy QazAqparat tilshisi.
Qaraǵandy oblystyq Polıtsııa departamentiniń málimetinshe, eki jolaýshy arasyndaǵy kelispeýshilikten keıin olardyń biri pyshaq alyp shyqqan.
Janjal qoǵamdyq kóliktegi ondaǵan jolaýshynyń kózinshe bolǵan.
«34 jastaǵy er adam mas kúıinde marshrýttyq avtobýsta beıtanys jolaýshymen sózge kelisip qalǵany anyqtaldy. Osy oqıǵa oryn alǵan sátte avtobýs janynan patrýldik polıtsııa batalonynyń ekıpajy ótip bara jatqan. Polıtsııa qyzmetkerleri avtobýs júrgizýshisiniń bergen sıgnaldaryna nazar aýdaryp, avtobýstyń janyna toqtaǵan. Er adam polıtsııaǵa jetkizildi, pyshaq tárkilendi. Oqıǵanyń sebebi jáne barlyq jaǵdaılar anyqtalýda», - dedi Polıtsııa departamentiniń baspasóz qyzmetinen.
Kýágerlerdiń aıtýynsha, urys-keriske eshqandaı aıtarlyqtaı sebep bolmaǵan. Alaıda, er adam ashýǵa berilip, birden pyshaq alyp, qorqyta bastaǵan.
Basqa jolaýshylar qaıǵyly oqıǵanyń aldyn alyp, er adamnan pyshaǵyn tartyp alýǵa áreket jasaǵan.
