Temirtaýda eki kisi ólimine qatysty kúdiktiler Reseıde qolǵa tústi
QARAǴANDY. QazAqparat - Reseıde Ýfa stansasynda Temirtaýdyń eki turǵynyn óltirgen kúdiktiler ustady, dep habarlady «QazAqparat» HAA tilshisi.
Polıtseıler olar avtomobıl jóndeıtin garajdan garaj ıesi men onyń jıen inisiniń múrdesin tapqannan keıin avtoslesarlar boı tasalaǵan. Bir apta boıy izdeýde bolǵan kólik jóndeýshiler kólik jóndeý qyzmetin kórsetýge arnalǵan boksty jalǵa alǵan.
«Jedel-izdeý sharalary barysynda Qaraǵandy oblysy ishki ister departamenti krımınaldyq polıtsııa qyzmetkerleri Reseı kóliktegi ІІM Ýfa jelilik basqarma qyzmetkerlerimen birlesip kúdiktilerdi ustady. Olardy «Novosibir-Belgorod» marshrýty boıynsha kele jatqan poıyzdan Ýfada ustady. Ustalǵandar 28 shildede bas arazdyǵymen Temirtaýdyń eki turǵynyn óltirgennin moıyndady», - dep habarlady oblystyq ІІD-niń baspasóz qyzmetiniń basshysy Baqytjan Qudııarov.
Qazirgi sátte olardy Qazaqstanǵa ekstradatsııalaý máselesi sheshilýde.
Eske salsaq, eki er adamnyń múrdesin - óli garaj ıesi men onyń týysyn kúdiktilerdiń biriniń týǵan qaryndasy tapqan. Ol garajǵa boksta turatyn ıtti tamaqtandyrýǵa kelgen.
