Temirtaýda eki adamdy atyp ketken kúdiktilerge izdeý jarııalandy
QARAǴANDY. QazAqparat - Temirtaýdaǵy eki er adamnyń ólimine qatysty tyń derekter paıda boldy, dep habarlaıdy Qazaqparat.
QazAqparat tilshisi Temirtaý qalasynda aýyr qylmys jasady dep kúdikke ilingen eki azamatyń dostarymen tildesti.
Temirtaýdaǵy «Avtomobılıst» garajynda óltirilgen eki adamnyń biri sol garajdyń ıesi 52 jastaǵy Imamáli. Al ekinshisi 30 jastaǵy Rýslan esimdi jigit. Ol garaj ıesiniń tanysy. Imanáli Pavelge garajyn jalǵa berip kelgen. Mashınany jóndeýdiń qyr-syryn jaqsy biletin Nıkıta Pavelge kómektesip júrgen. Olar synyptas», - dedi dostary.
Pavel Levkýtın men Nıkıta Stepınniń adam óltirý oqıǵasyna qatysty kúdikke ilinýine olardyń týystary men tanystary sene almaı otyr.
«Pavel men garaj ıesiniń arasynda eshqandaı kelispeýshilikter bolǵan emes. Ol garajdyń jalǵa alý aqysyn ýaqytynda tólep kelgen», - deıdi jas jigitter.
1965 jyly jáne 1987 jyly týǵan azamattardyń óli denelerin birinshi bolyp avtoslesar Pavel Levkýtınniń qaryndasy kórgen. Ol garajǵa ıtke tamaq berý úshin kelgen. Máıitterdi kórgen ol birden polıtsııa shaqyrǵan. Eki azamat atyp óltirilgen. Basqa derekterdi polıtsııa habarlaǵan joq.
Pavel Levkýtın azamattyq nekede turady, jasqa tolǵan balasy bar. Avtoslesardyń týystary oqıǵaǵa qatysty qandaı da bir pikir aıtýdan bas tartty. Olar tergeýshige qandaı da bir málimetterdi taratpaý jóninde qolhat berip qoıypty.
Kúdikti eki azamattyń Temirtaýdan ketip qalýy múmkin. Sol sebepti izdeý sharasy búkil Qaraǵandy oblysy boıynsha jarııalandy.
«Qylmystyq is QR Qylmystyq kodekstiń 99-baby, 2-bólimi, 1-tarmaqshasy boıynsha tergelip jatyr», - dep habarlady Qaraǵandy oblystyq Іshki ister departamenti baspasóz qyzmetiniń jetekshisi.
Eske sala keteıik, buǵan deıin Temirtaýda eki er adamdy atyp ketkeni týraly habarlaǵan bolatynbyz.
Qandy qylmysqa qatysty 1986 jyly týǵan Pavel Levkýtın men 1986 jyly týǵan Nıkıta Stepınge izdeý jarııalandy. Polıtsııa qyzmeti turǵyndardan osy azamattar týraly qandaı da bir derekterdi bilse 102 nemese 8 (7213) 95 10 01, 95 10 02 telefondaryna habarlasýlaryn suraıdy.
