Temirtaýda dúkendi tonaǵan tórt kúdiktige úkim shyqty
QARAǴANDY. QazAqparat - Temirtaý qalalyq sotynda azyq-túlik dúkenin tonaǵan tórt er adamǵa qatysty úkim shyǵaryldy, dep habarlaıdy QazAqparat tilshisi.
«Tórt kúdiktige QR QK-niń 191-baby «Urlyq jasaý» boıynsha 5 jylǵa bas bostandyqtarynan shekteý úkimi shyqty. Olar probatsııalyq baqylaýǵa alyndy», - dep habarlady Temirtaý qalalyq sotynyń baspasóz qyzmetinen.
Ótken kúzde betperde kıgen tórt er adam Temirtaý qalasyndaǵy 8-shaǵynaýdandaǵy dúkenge basyp kirgen. Qaskúnemder qarýǵa uqsaıtyn zatpen qorqytyp, kassadaǵy barlyq aqshany alyp ketken.
Olardy Іshki ister departamentiniń qaraqshylyq shabýyl isin ashý boıynsha arnaıy toby ustaǵan. Eki kúdiktiniń jasy 19-da, ekeýi - 21-de.
Alǵashynda qylmystyq is «Tonaý» baby boıynsha qozǵaldy. Keıin tergeý barysynda «Urlyq jasaý» babyna aýystyryldy.
