Temirtaýda daryndy balalarǵa arnalǵan mektep ashylady
QARAǴANDY. QazAqparat - Temirtaýda oqýshylar arasynda ótken sońǵy olımpıda qaladaǵy daryndy balalar sanynyń kóptigin kórsetti, osyǵan baılanysty Temirtaý qalasynda mamandandyrylǵan mekteptiń qurylysy bastaldy, dep habarlaıdy «QazAqparat» HAA tilshisi.
Temirtaý qalalyq ekonomıka jáne qarjy bóliminiń basshysy Aımangúl Sadyqova habarlaǵandaı, Qaraǵandy oblysynyń bıýdjetinen mekteptiń qurylysy úshin qarjy bólindi.
«Daryndy balalarǵa arnalǵan mekteptiń qurylysyna 460 mıllıon 800 myń teńge bólindi. Ol 600 balaǵa arnalyp salynatyn bolady», - dedi Aımangúl Sadyqova.
Bul mekeme qaladaǵy toǵyzynshy shaǵyn aýdanda boı kóteredi. Qazirgi tańda bılik salynǵaly jatqan ǵımaratty jylý júıesimen qamtamasyz etý máselelerin sheship jatyr.
Sońǵy jyldary olımpıada nátıjeleri kórsetkendeı, kóptegen oqýshylar túrli pánder boıynsha bilim deńgeıleriniń joǵary ekendigin dáleldep keledi. Ásirese, №5 bilim oshaǵy men lıtseıde bilim alyp jatqan daryndy balalardyń sany óte kóp.
