Temirtaýda balany urlaǵan áıel kútýshi bolyp eki-aq kún jumys istegen
QARAǴANDY. QazAqparat - Temirtaýda eki jasar qyzdy urlaǵan áıel kútýshi bolyp nebári eki kún jumys istegen, dep habarlady «QazAqparat» HAA tilshisi.
Urlanǵan balanyń anasy Ekaterınanyń aıtýynsha, kútýshi qyzyn alyp ketken páterde jazba qaldyrǵan. Áıel qyzdy mamyrda qaıtaratynyn, ol úshin alańdamaýyn, oǵan jaqsy qaraıtynyn jazyp ketken.
«Kútýshini kópten beri tanımyn. «Tańsholpan» balalar úıinde birge óstik. Onyń turatyn jeri joq ekenin estigende, kútýshi retinde qabyldaýǵa kelistim. Maǵan qyzymdy kútýge kómektessin dep oılaǵanmyn», - dedi Ekaterına.
Astanada búgin tańerteń ustalǵan kútýshi anasynan keshirim surady. Biraq áıel ótinishin keri qaıtarmady.
Eske salsaq, 26 naýryzda keshke polıtsııaǵa 22 jastaǵy Temirtaý turǵyny kútýshi eki jasar qyzdy urlap ketkeni týraly habarlaǵan. Jedel izdeý sharalary barysynda búgin erte tańerteń Qaraǵandy oblysy ІІD qyzmetkerleri kúdiktini Astanadan ustady.
QR QK 125-baby 2- bóligi «Adam urlaý» boıynsha tergeý bastaldy.
