Temirtaýda balalar tóbelesinen keıin 12 jasar jetkinshek mert boldy
TEMІRTAÝ. QazAqparat – Temirtaýda ólimge aparyp soqtyrǵan balalardyń tóbelesi beınejazbaǵa túsip qaldy, dep habarlaıdy QazAqparat Polisia.kz resýrsyna silteme jasap.
24 shildede eski qalalyq polıtsııa bóliminiń kezekshi bólimine Temirtaýdaǵy qalalyq balalar aýrýhanasynda 12 jastaǵy qala turǵyny qaıtys boldy degen habarlama kelip tústi.
Polıtseıler anyqtaǵandaı, zardap shekken bala qala úıleriniń biriniń aýlasynda 13 jastaǵy balamen ursysyp qalǵan.
Janjaldyń sońy tóbeleske ulasyp, álgi bala jaraqat alǵan.
Olardyń tóbelesi beınejazbaǵa túsip qalǵan jáne Instagram paraqshalarynyń birinde jarııalanǵan.
«Oqıǵa QR Qylmystyq kodeksiniń 104-baby boıynsha tirkeldi. Tıisti saraptamalar taǵaıyndaldy, sotqa deıingi tergeý júrip jatyr», – dedi Qaraǵandy oblystyq polıtsııa departamenti tergeý basqarmasynyń bastyǵy Rýstam Qulkeev.
