Temirtaýda bala ólimi faktisi boıynsha tergeý aldyndaǵy tekseris júrgizilýde - qala prokýrory
QARAǴANDY. 26 mamyr. QazAqparat - Qaraǵandy oblysynyń Temirtaý qalasynda káriz qudyǵyna qulaǵan 2 jasar balanyń ólimi boıynsha tergeý aldyndaǵy tekseris júrýde.
Bul týraly Temirtaý qalasynyń prokýrory Núrken Muhametqalıev habarlady.
«Qazirgi kezde tergeý aldyndaǵy tekseris júrgizilýde, sonyń qorytyndylary boıynsha protsessýaldyq sheshim qabyldanady. Balanyń ólimine kináli adamdar jaýaptan qutyla almaıdy», - dedi N.Muhametqalıev.
Qala ákimdiginen habarlaǵandaı, Temirtaýda 10 kúndik merzimde kommýnaldyq qyzmetterdiń barlyq káriz qudyqtarynyń ınventarızatsııasy ótkiziledi.
Esterińizge sala keteıik, tótenshe jaǵdaı 24 mamyr kúni Temirtaý qalasynyń Metallýrgter dańǵylynda oryn aldy. 2 jasar bala káriz qudyǵyna qulaǵan. Káriz júıesine qyzmet kórsetetin «Okjetpes» JShS-niń arnaıy tehnıkasynyń kómegimen 400 m dıametrdegi 1500 metrlik kollektor tekserildi. Alaıda bul eshqandaı nátıje bermegen edi. Іzdeý sharalary beısenbi kúniniń keshinen bastaldy. Óskemenge kelgen súńgýirlerdiń kómegimen balanyń máıiti senbi kúni tańerteń tabyldy.
