Temirtaýda Anonımýs betperdesin kıgen qaraqshylar ustaldy
QARAǴANDY. QazAqparat - Polıtsııa Temirtaýdaǵy úsh azyq-túlik dúkenin Anonımýstyń betperdesimen kelip tonaǵan qaraqshylardy ustady, dep habarlaıdy «QazAqparat» HAA tilshisi.
Qaraǵandy oblystyq ishki ister departamenti baspasóz qyzmetiniń basshysy Baqytjan Qudııarovtyń sózine qaraǵanda, departamenttiń qaraqshylyq shabýyldardy ashý jónindegi arnaýly toby tórt jigitti quryqtaǵan.
«Eki kúdikti 19 jasta, qalǵan ekeýiniń jasy 21-de. Dúkenderden alynǵan aqsha men qylmys qarýlary tárkilendi», - deıdi Baqytjan Qudııarov. Kúdiktiler ýaqytsha ustaý oqshaýlaǵyshyna qamaldy, QR Qylmystyq kodeksiniń 192-baby («Qaraqshylyq»), 2-bóligi boıynsha sotqa deıingi tergeý amaldary júrgizilýde. «Kúdiktilerdiń osy sııaqty basqa qylmystarǵa qatysy tekserilýde», - deıdi B. Qudııarov.
Eske sala ketsek, qarýly qaraqshylar dúkenderge basa-kóktep kirip, satýshylardan aqsha talap etken. Úsh oqıǵa da beınebaqylaý kamerasyna túsip qalǵan.
