Temirtaýda aǵash otyrǵyzatyn chellendj bastaldy
TEMІRTAÝ. QazAqparat - Temirtaýda №16 jalpy orta bilim beretin mekteptiń jas ekologtary muǵalimderiniń jetekshiligimen ekologııalyq chellendj bastady. Sharaǵa kez-kelgen adam qatysa alady, dep habarlaıdy QazAqparat tilshisi.
Ol úshin aǵash otyrǵyzyp, ony sýretke túsirip, áleýmettik jelilerde #DyshıTemırtaý heshtegimen ornalastyrý qajet. Bolashaqta ekologtar aǵashty kartaǵa túsiredi, oǵan kútim jasaıdy jáne ósýin baqylaıdy.
Ótken jyly #DyshıTemırtaý chellendji sátti ótti. Balalar qalany tazartý jáne jasyldandyrý úshin ony qaıta ótkizý týraly sheshim qabyldady. Oqýshylar qorshaǵan ortaǵa beı-jaı qaramaıtyn barlyq turǵyndardy aktsııany qoldaýǵa shaqyrady.
«Búgingi tańda sportpen shuǵyldaný sánge aınalǵan, al aǵash otyrǵyzýdy nege sánge aınaldyrmasqa, olardy kútip, qamqorlyq jasaý, ekologııalyq ómir salty keremet ekenin stıldi etý - óte tamasha oı. Biz óz aýlasyn, úıin jasyl etip, aǵash otyrǵyzýǵa nıeti bar barsha halyqty shaqyramyz» - deıdi aktsııanyń bastamashysy Elena Varganova.