Temirtaýda 7 jasar balany kólik qaqty
QARAǴANDY. QazAqparat - Temirtaýda 7 jasar balany mashına qaǵyp ketti, dep habarlaıdy QazAqparat.
Beıbitshilik dańǵyly boıynda kólikke soǵylǵan bala jeńil jaraqattanǵan.
«Keshendi medıtsınalyq tekserýden ótken balanyń densaýlyǵy jaqsy, qatty jaraqat almaǵan. Ázirge ol emhanaǵa jatqyzyldy», delingen emhana habarlamasynda.
Balany soqqan kóliktiń júrgizýshisi oqıǵa ornynan qashyp ketpegen. Ol jol polıtsııasyna túsinikte berip, óziniń kinásin moıyndamaıtyndyǵyn aıtty. Júrgizýshiniń sózine qaraǵanda, bala jaıaý júrginshilerge ruqsat etilmegen jol bóligin qıyp ótpek bolǵan.
Dese de jol qozǵalysynyń qaýipsizdigin qamtamasyz etpegen júrgizýshini jaýapkershilikke tartý máselesi qaralýda.
