Temirtaýda 60-qa jýyq úı jaryqsyz qaldy
TEMІRTAÝ. QazAqparat - Temirtaýda qalanyń elektr jelilerinde qorǵanys júıesi iske qosylyp, toq berý toqtatyldy. Oqıǵa saldarynan 58 turǵyn úı jaryqsyz qaldy, dep habarlaıdy QazAqparat tilshisi.
Temirtaý qalasy ákimdiginiń baspasóz qyzmeti habarlaǵandaı, elektr qýatyn berý 12 qańtarda saǵat 19:48-de toqtaǵan. Avarııalyq ajyratý oryn alyp, Áleýmettik qala aýmaǵyndaǵy jeliler isten shyqqan. Boljam boıynsha, apatqa shamadan tys júkteme sebep bolǵan. Sońǵy 2 kúnde Qaraǵandy oblysynda aýa temperatýrasy -35-39 gradýsqa deıin tómendedi. Ádette, qatty aıazda turǵyndar elektr jylytqyshtaryn paıdalanady.
«Oqjetpes-T» JShS apattyq brıgadasy jedel qalpyna keltirý jumystaryn júrgizýde. Saǵat 23:00-degi jaǵdaı boıynsha 58 úı elektr qýatynsyz qalyp otyr. Tótenshe jaǵdaılar brıgadalary jumys istep jatyr. Bir saǵat ishinde elektrmen jabdyqtaý qalpyna keltiriledi», - dep habarlady Temirtaý ákimdiginiń baspasóz qyzmeti.
